kelly
პარტია ,,ჩემი საქართველოს“ თავმჯდომარემ ელისო კილაძემ დღეს `პრაიმ–თაიმის~ პრესკლუბში გამართულ ბრიფინგზე განაცხადა, რომ რუსული ,,ეფ ეს ბე“ საქართველოში ანტიტერორისტული ოპერაციის განსახორციელებლად ახალ გეგმას ამზადებს.
,,რუსული ,,ეფ ეს ბე“ ამონტაჟებს და აპირებს მთელ საერთაშორისო საზოგადოებას და რუსულ მედიას წარუდგინოს ჩეჩენი ტერორისტის უგას ახმადოვის ჩვენება. ახმადოვი ჩვენებაში ამბობს, რომ თითქოს მარტში, საქართველოში, კერძოდ ბობოყვათში პრეზიდენტის რეზიდენციაში საიდუმლო შეხვედრა გაიმართა, რომელსაც ესწრებოდნენ ხელისუფლების წარმომადგენლები და პარლამენტის თავდაცვის და უშიშროების კომიტეტის თავმჯდომარე გივი თარგამაძე. შეკრებაზე მათ შეხვდა საქართველოში იმხანად მყოფი ბიზნესმენი ბორის ბერეზოვსკი და რუსეთის ტერიტორიაზე ტერორსიტული აქტის ჩატარება დაუკვეთა,“– განაცხადა ელისო კილაძემ.
მისის თქმით, ეს დაკვეთა ეხებოდა სოჭში ტერორისტულ აქტს. ახმადოვს უნდა მოეხდინა ერთ–ერთი კავკასიელი წარმოშობის ბიზნესმენის ლიკვიდაცია, რომელიც სოჭში ოლიმპიადასთან დაკავშირებით სარემონტო სამუშაოებს ატარებს. ბიზნესმენის ვინაობა ელისო კილაძისთვის უცნობია. მისი თქმით, ჩეჩენი ტერორისტი აღიარებით ჩვენებაში ამბობს, რომ თითქოს მას ბერეზოვსკიმ დავალების შესასრულებლად 3 მილიონი დოლარი გადაუხადა, დაახლოებით ამდენივეს მიიღებდა დავალების შესრულების შემდგომ.
ელისო კილაძე ირწმუნება, რომ დაზუსტებული ინფორმაციით, ახმადოვი არის რუსული ,,ეფ ეს ბეს“ თანამშრომელი. ,,არ არის გამორიცხული, რომ რუსულმა ეფ ეს ბე-მ თავად მოაწყოს სოჭში ტერორისტული აქტი, რადგან რუსულ მედიაში უკვე გაჩნდა ცნობები, რომ ოლიმპიადის სოჭში ჩატარება არ არის უსაფრთხო. ამაში შემდგომ დაადანაშაულებს როგორც ჩეჩენ ტერორისტებს, ისე საქართველოს ხელისუფლებას. ეს გახლავთ რუსული ,,ფეესბეს“ გეგმა, რათა მან საერთაშორისო საზოგადოების თვალში გაამართლოს ანტიტერორისტული ოპერაცია, რომლის ჩატარებასაც რუსეთი აგვისტოში აპირებს“, _ განაცხადა კილაზემ.
კილაძის თქმით, ყველა რუსული გეგმა საქართველოში ჩავარდა და რუსეთმა ვერ შეძლო ქვეყნის შიგნით დესტაბილიზაციის მოხდენა: ,,იმის გამო, რომ პირდაპირ ოკუპაციაზე რუსეთი ვერ წამოვა, აღნიშნული გეგმა მას სჭირდება საერთაშორისო საზოგადოებისთვის იმის დასადასტურებლდ, რომ საქართველოში ტერორისტები არიან. ეს კამპანნია მიმდინარეობს მთელი ზაფხულის განმავლობაში. ტერორიზმი საერთაშორისო საზოგადოებისთვის ის თემაა, რომელსაც ისინი მტკივნეულად იღებენ და ახმადოვი კი ის ადამიანია, რომელიც ტერორისტებში საკმაოდ პოპულარულია. ეს ინფორმაცია თანდათან უფრო რეალური ხდება.“
ელისო კილაძე აღნიშნული ინფორმაციის წყაროს არ ასახელებს, თუმცა ამბობს, რომ ეს ის სარწმუნო წყაროა, რომელმაც მას ინფორმაცია მიაწოდა ქართული პარტიის და ,,ფეესბეს“ გენერლების შეხვედრის თაობაზე. მისი თქმით, მისი დღევანდელი განცხადება შესაძლოა გარკვეული პრევენცია იყოს.
კილაძის თქმით, მთელი ზაფხულის განმავლობაში რუსეთი დაკავებულია სქართველოში ტერორისტული ბაზების ძიებით, მიუხედავად ორთვიანი მტკიცებისა, მათ ვერ შეძლეს წარმოედგინათ ვიდეო ან ფოტო მტკიცებულება , რომ პანკისში და საქართველოს სხვა ტერიტორიებზე ტერორისტული ბაზებია განთავსებული.
,,ახმედოვის აღიარებითი მტკიცებულება იმის დადასტურება იქნება, რომ საქართველოს ხელისუფლების მაღალჩინოსნები ტერორისტულ აქტებს გეგმავენ. არ გამოვრიცხავ, რომ რუსეთმა ეს ტერაქტი თავად მოაწყოს, ისევე როგორც სოჩასა და რუსეთის სხვა ქალაქებში მოაწყო და შემდეგ საქართველოს ხელისუფლება დაადანაშუალოს,“– განაცხადა ელისო კილაძემ.
კილაძე არ ფლობს ინფორმაციას იმის თაობაზე არის თუა არა ახმედოვი დაპატიმრებული, თუმცა მისი ინფორმაციით ჩეჩენი ტერორისტი რუსეთში იმყოფება.
ელისო კილაძის თქმით ჩეჩენი ტერორისტის უგას ახმედოვის აღიარებითი ჩვენება ამ დღეებში გავრცელდება.
globopress 